ଜାନୁଆରି ୬ରେ ନିଜ ଗନ୍ତବ୍ୟସ୍ଥଳରେ ପହଞ୍ଚିବ ଆଦିତ୍ୟ ଏଲ-୧

ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ମୁଖ୍ୟ ଏସ୍ ସୋମନାଥଙ୍କ କହିଛନ୍ତି ଯେ ଭାରତର ପ୍ରଥମ ସୌର ଅଭିଯାନ ‘ଆଦିତ୍ୟ ଏଲ୍-୧’ ଜାନୁଆରି ୬ ତାରିଖରେ ଗନ୍ତବ୍ୟସ୍ଥଳ ଲାଗ୍ରାଙ୍ଗିଆନ୍ ପଏଣ୍ଟ୍ (ଏଲ୍-୧)ରେ ପହଞ୍ଚିବାକୁ ଯାଉଛି। ଏହା ପୃଥିବୀଠାରୁ ୧.୫ ନିୟୁତ (୧.୫ ନିୟୁତ) କିଲୋମିଟର ଦୂରରେ ଅବସ୍ଥିତ ।ବିଜ୍ଞାନକୁ ଲୋକପ୍ରିୟ କରିବା ପାଇଁ କାର୍ଯ୍ୟ କରୁଥିବା ସ୍ୱେଚ୍ଛାସେବୀ ଅନୁଷ୍ଠାନ ବିଜ୍ଞାନ ଭାରତୀ ପକ୍ଷରୁ ଅହମ୍ମଦାବାଦରେ ଆୟୋଜିତ ଭାରତୀୟ ବିଜ୍ଞାନ କଂଗ୍ରେସ ଅବସରରେ ସୋମନାଥ ଗଣମାଧ୍ୟମକୁ କହିଛନ୍ତି ଯେ ଆଦିତ୍ୟ-ଏଲ୧ ଜାନୁଆରୀ ୬ ତାରିଖରେ ଏଲ୧ ପଏଣ୍ଟରେ ପ୍ରବେଶ କରିବ। ତାହା ହିଁ ଆଶା କରାଯାଉଛି। ଠିକ୍ ସମୟରେ ପ୍ରକୃତ ସମୟ ଘୋଷଣା କରାଯିବ।

ସୋମନାଥ କହିଛନ୍ତି “ଯେତେବେଳେ ଏହା ଏଲ୍ ୧ ପଏଣ୍ଟରେ ପହଞ୍ଚିବ, ଆମକୁ ଇଞ୍ଜିନକୁ ପୁନଃଆରମ୍ଭ କରିବାକୁ ପଡିବ ଯାହା ଦ୍ୱାରା ଏହା ଆଗକୁ ବଢିବ ନାହିଁ । ଏହା ସେହି ସ୍ଥାନକୁ ଯିବ ଏବଂ ଏହା ପହଞ୍ଚିବା ପରେ ସୂର୍ଯ୍ୟକୁ ପରିକ୍ରମା କରିବ ।“

ସୂଚନାଯୋଗ୍ୟ ଯେ, ଗତ ସେପ୍ଟେମ୍ବର ୨ ତାରିଖରେ ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧୱନ ମହାକାଶ କେନ୍ଦ୍ରରୁ ପୋଲାର ସାଟେଲାଇଟ୍ ଲଞ୍ଚ ଭେଇକିଲ୍ (ପିଏସ୍ଏଲଭି-ସି୫୭)ରୁ ଆଦିତ୍ୟ ଏଲ୍-୧ କୁ ଉତକ୍ଷେପଣ କରାଯାଇଥିଲା। ଚନ୍ଦ୍ରପୃଷ୍ଠରେ ଚନ୍ଦ୍ରଯାନର ସଫଳ ଅବତରଣ ପରେ ଏହି ମିଶନକୁ ବି ଏକ ବଡ଼ ସଫଳତା ଭାବେ ଦେଖାଯାଉଛି ।