ଆକାଉଣ୍ଟ ଫ୍ରିଜ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନିନ୍ଦା କଲେ ରାହୁଲ
ନୂଆଦିଲ୍ଲୀ: ରାହୁଲ ଗାନ୍ଧୀ ଗୁରୁବାର କେନ୍ଦ୍ର ସରକାରଙ୍କ ଉପରେ ଘୋର ଆକ୍ରମଣ କରି କହିଛନ୍ତି ଯେ ଦେଶରେ କୌଣସି ଗଣତନ୍ତ୍ର ବାକି ନାହିଁ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟ ଫ୍ରିଜ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସେ ନିନ୍ଦା କରିଛନ୍ତି।
ପ୍ରଧାନମନ୍ତ୍ରୀ ମୋଦୀଙ୍କ ଉପରେ କଡ଼ା ଆଭିମୁଖ୍ୟ ଗ୍ରହଣ କରି ରାହୁଲ କହିଛନ୍ତି ଯେ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରିବା ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀ ଅମିତ ଶାହାଙ୍କ ବିରୋଧରେ ଅପରାଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ।
“ଏହା କଂଗ୍ରେସ ଦଳ ଉପରେ ଏକ ଅପରାଧିକ କାର୍ଯ୍ୟ, ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କ ଦ୍ୱାରା କରାଯାଇଥିବା ଅପରାଧିକ କାର୍ଯ୍ୟ। ତେଣୁ, ଭାରତ ଏକ ଗଣତନ୍ତ୍ର ରାଷ୍ଟ୍ର ବୋଲି ଧାରଣା ମିଥ୍ୟା ଅଟେ। ଆଜି ଭାରତରେ ଗଣତନ୍ତ୍ର ନାହିଁ।’’କଂଗ୍ରେସ ପାଖରେ ୨ ଟଙ୍କା ବି ନାହିଁ, ନେତାମାନଙ୍କର ସାହାଯ୍ୟ କରିବାକୁ । ଏମିତି କି ଟିକେଟ୍ କିଣିବାକୁ ମଧ୍ୟ ଦଳ ପାଖରେ ଟଙ୍କା ନାହିଁ ବୋଲି ରାହୁଲ କହିଛନ୍ତି। ରାହୁଲ ଆହୁରି ମଧ୍ୟ କହିଛନ୍ତି ଯେ, ଦେଶର ସମସ୍ତ ଲୋକ ଜାଣିଛନ୍ତି, ଯେତେବେଳେ କାହାର ବ୍ୟାଙ୍କ ଆକାଉଣ୍ଟ ଓ ଏଟିଏମ୍ କାର୍ଡକୁ ଫ୍ରିଜ୍ କରାଯାଏ, ସେତେବେଳେ କେତେ ଅସୁବିଧା ହେଇଥାଏ । ଯଦି ଏପରି ଘଟଣା ଗୋଟିଏ ପରିବାର ସହ ହୁଏ, ତେବେ ସେ ପରିବାର ଭୋକରେ ମରିଯିବ । କୌଣସି ବ୍ୟବସାୟୀ ସହ ହେଲେ, ସେ ବର୍ବାଦ ହେଇଯିବ । ସେହିଭଳି ସମାନ ଘଟଣା ଏବେ କଂଗ୍ରେସ ସହିତ କରାଯାଉଛି । ଯାହା ଫଳରେ କି ଆମେ ଆମ ନେତା ଓ କାର୍ଯ୍ୟକର୍ତ୍ତାଙ୍କୁ ଟଙ୍କା ଦେଇପାରୁନୁ ବୋଲି ରାହୁଲ କହିଛନ୍ତି