କିଏ ଜିତିବ ବିଜେପି ନା କଂଗ୍ରେସ: କ’ଣ କହୁଛି ଏଆଇ ମାଇକ୍ରୋସଫ୍ଟ କୋପାଇଲଟ୍
ନୂଆଦିଲ୍ଲୀ: ଲୋକସଭା ନିର୍ବାଚନର ତାରିଖ ଯେତିକି ପାଖେଇ ଆସୁଛି, ଏଥର ଫଳାଫଳ କ’ଣ ହେବ ସେ ନେଇ ଲୋକଙ୍କ ଆଗ୍ରହ ମଧ୍ୟ ବଢୁଛି। ରାଜନୈତିକ ସମୀକ୍ଷକମାନେ ଫଳାଫଳ ସମ୍ପର୍କରେ ପୂର୍ବାନୁମାନ କରିବା ଆରମ୍ଭ କରିଥିବାବେଳେ କିଛି ଫଳଫଳ ମଧ୍ୟ ବାହାରିଛି। ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଲଗାତାର ତୃତୀୟ ଥର ପାଇଁ କେନ୍ଦ୍ରରେ ସରକାର ଗଠନ କରିବାର ସମସ୍ତ ସମ୍ଭାବନା ରହିଛି।ପ୍ରଶ୍ନ ହେଉଛି ଗତ ଦୁଇ ସାଧାରଣ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲହର ଦ୍ୱାରା ବିରୋଧୀ ଦଳର ସ୍ଥିତି ଏଥର ସୁଧୁରିବ କି? ଏଥର ବିଜେପିକୁ ଚ୍ୟାଲେଞ୍ଜ କରିବା ପାଇଁ କଂଗ୍ରେସ ଅନେକ ଆଞ୍ଚଳିକ ଦଳ ସହିତ ଇଣ୍ଡିଆ ମିଳିତ ମଞ୍ଚ ଗଠନ କରିଛି। କିନ୍ତୁ, ନିର୍ବାଚନ କ୍ଷେତ୍ରରେ ବିଜେପିକୁ ଏହା କଡ଼ା ଟକ୍କର ଦେଉଥିବା ଦେଖିବାକୁ ମିଳିନାହିଁ। ତେଣୁ ନିର୍ବାଚନ ଫଳାଫଳ ଏବଂ ଦଳର କାର୍ଯ୍ୟଦକ୍ଷତା ସମ୍ବନ୍ଧରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (ଏଆଇ) କୁ ପ୍ରଶ୍ନ ପଚାରା ଯାଇଥିଲା। ପାଇଥିବା ଉତ୍ତର ଆଶ୍ଚର୍ଯ୍ୟ ଜନକ ଥିଲା। ଏହି ପ୍ରଶ୍ନଗୁଡିକ ମାଇକ୍ରୋସଫ୍ଟର ଏଆଇ ଚାଟବଟ୍ ମାଇକ୍ରୋସଫ୍ଟ କୋପାଇଲଟ୍କୁ ପଚରା ଯାଇଥିଲା। ଯାହା ଏହି ବିଶାଳ ବୈଷୟିକ କମ୍ପାନୀର ଏକ ବହୁତ ବଡ ଭାଷା ମଡେଲ୍।