ସିନ୍ଦେଙ୍କ ଶିବସେନା ଜାରି କଲା ତାରକା ପ୍ରଚାରକ ତାଲିକା: ପ୍ରଥମ ଥର ପାଇଁ ମୋଦୀ-ଶାହା ସାମିଲ

ମୁମ୍ବାଇ: ସମସ୍ତ ରାଜନୈତିକ ଦଳ ଲୋକସଭା ନିର୍ବାଚନ ୨୦୨୪ପାଇଁ ସେମାନଙ୍କ ପ୍ରାର୍ଥୀ ଏବଂ ତାରକା ପ୍ରଚାରକଙ୍କ ତାଲିକା କ୍ରମାଗତ ଭାବରେ ପ୍ରକାଶ କରୁଛନ୍ତି। ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଶିବସେନା ପକ୍ଷରୁ ୪୦ ଜଣ ତାରକା ପ୍ରଚାରକଙ୍କ ତାଲିକା ମଧ୍ୟ ପ୍ରକାଶ କରାଯାଇଛି।
ଶିବସେନାର ଏହି ତାଲିକାରେ କିଛି ନାମ ଅଛି, ଯେଉଁମାନେ ଆଜି ପର୍ଯ୍ୟନ୍ତ ଶିବସେନା ପାଇଁ ପ୍ରଚାର କରିନାହାନ୍ତି। ଦଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହାଙ୍କ ନାମ ମଧ୍ୟ ଷ୍ଟାର ପ୍ରଚାରକ ତାଲିକାରେ ଅନ୍ତର୍ଭୁକ୍ତ କରିଛି। ଏଥି ସହିତ ମହାରାଷ୍ଟ୍ରର ଡେପୁଟି ସିଏମ୍ ଦେବେନ୍ଦ୍ର ଫଡନାଭିସ୍ ଏବଂ ଅଜିତ ପାୱାରଙ୍କ ନାମ ମଧ୍ୟ ଏହି ତାଲିକାରେ ସ୍ଥାନ ପାଇଛି।

ସୂଚନାଯୋଗ୍ୟ, ୨୦୨୨ମସିହାରେ ଶିବସେନା ଦଳ ଦୁଇଟି ଦଳରେ ବିଭକ୍ତ ହୋଇଥିଲେ। ଗୋଟିଏ ଗୋଷ୍ଠୀ ଏକନାଥ ସିନ୍ଦେଙ୍କ ଦ୍ୱାରା ପରିଚାଳିତ ହେଉଥିବାବେଳେ ଅନ୍ୟ ଗୋଷ୍ଠୀର ନେତୃତ୍ବ ଉଦ୍ଧବ ଠାକରେ ନେଉଛନ୍ତି। ସୂଚନାଯୋଗ୍ୟ ଯେ ସୁପ୍ରିମକୋର୍ଟ ଏକନାଥ ସିନ୍ଦେ ଦଳକୁ ପ୍ରକୃତ ଶିବସେନା ଦଳ ବୋଲି ଘୋଷଣା କରିଛନ୍ତି।

ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ଶିବସେନା ନାମ ଏବଂ ଦଳର ନିର୍ବାଚନର ଚିହ୍ନ ‘ଧନୁ ଓ ତୀର’ ଏକନାଥ ସିନ୍ଦେ ଦଳକୁ ମିଳିଥିଲା। ଯେତେବେଳେ ଶିବସେନା ଉଦ୍ଧବ ଦଳ)କୁ ଟର୍ଚ୍ଚ ଚିହ୍ନ ଦିଆଯାଇଥିଲା