ବିଜେପି ସାଂସଦଙ୍କୁ କାରଣ ଦର୍ଶାଅ ନୋଟିସ: କାହିଁକି ଦେଲେନି ଭୋଟ୍, କଲେନି ନିର୍ବାଚନ ପ୍ରଚାର ?
ନୂଆଦିଲ୍ଲୀ: ଲୋକସଭା ନିର୍ବାଚନକୁ ନେଇ ଦେଶରେ ବିଭିନ୍ନ ଦଳ ପକ୍ଷରୁ ରାଜନୈତିକ ପ୍ରଚାର ଜାରି ରହିଛି। ସାତୋଟି ପର୍ଯ୍ୟାୟ ଭୋଟ୍ ମଧ୍ୟରୁ ପାଞ୍ଚଟି ସମାପ୍ତ ହୋଇଛି। ବର୍ତ୍ତମାନ ରାଜନୈତିକ ଦଳର ବରିଷ୍ଠ ନେତାମାନେ ଅବଶିଷ୍ଟ ଆସନ ନେଇର ରାଲି ଏବଂ ସାଧାରଣ ସଭା କରୁଛନ୍ତି। ସେପଟେ ଭାରତୀୟ ଜନତା ପାର୍ଟି ଦଳର ସାଂସଦ ଜୟନ୍ତ ସିହ୍ନାଙ୍କୁ ନୋଟିସ ପଠାଇଛି। ଅଭିଯୋଗ ହେଉଛି ଯେ ସେ ପ୍ରଚାର କରିନାହାନ୍ତି କିମ୍ବା ଭୋଟ୍ ମଧ୍ୟ ଦେଇ ନାହାନ୍ତି।
ଜୟନ୍ତ ସିହ୍ନା ପୂର୍ବତନ କେନ୍ଦ୍ର ଅର୍ଥମନ୍ତ୍ରୀ ଯଶୱନ୍ତ ସିହ୍ନାଙ୍କ ପୁଅ। ସେ ବର୍ତ୍ତମାନ ଝାଡଖଣ୍ଡର ହଜାରିବାଗର ସାଂସଦ ଅଛନ୍ତି, କିନ୍ତୁ ଏଥର ବିଜେପି ହଜାରିବାଗରୁ ମନୀଷ ଜୈସ୍ବାଲଙ୍କୁ ପ୍ରାର୍ଥୀ କରିଛି। ତେବେ ପ୍ରାର୍ଥୀଙ୍କ ନାମ ଘୋଷଣା ହେବା ପୂର୍ବରୁ ଜୟନ୍ତ ସିହ୍ନା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନକରିବାକୁ ଇଚ୍ଛା ପ୍ରକାଶ କରିଥିଲେ। ୨୦୧୯ ରେ ଶେଷ ନିର୍ବାଚନରେ ସେ କଂଗ୍ରେସର ଗୋପାଳ ସାହୁଙ୍କୁ ବିପୁଳ ଭୋଟରେ ପରାସ୍ତ କରିଥିଲେ। ସେ ୨୦୧୪ରେ କେନ୍ଦ୍ର ସରକାରରେ ବେସାମରିକ ବିମାନ ଚଳାଚଳ ମନ୍ତ୍ରୀ ରହିଥିଲେ।
ମନୀଷ ଜୈସ୍ବାଲଙ୍କୁ ହାଜିପୁର ଲୋକସଭା ଆସନରୁ ପ୍ରାର୍ଥୀ ଘୋଷଣା କରାଯିବା ପରେ ପୂର୍ବତନ କେନ୍ଦ୍ର ମନ୍ତ୍ରୀ ଜୟନ୍ତ ସିହ୍ନା ନିର୍ବାଚନ ପ୍ରଚାରରେ ଭାଗ ନେଇ ନ ଥିଲେ। ସେ ମନୀଷ ଜୈୱାଲଙ୍କ ସମର୍ଥନରେ ପ୍ରଚାର କରିନାହାନ୍ତି କିମ୍ବା ଦଳର କାର୍ଯ୍ୟରେ ଆଗ୍ରହ ଦେଖାଇ ନାହାନ୍ତି। ଏଥିସହ ଜୟନ୍ତ ସିହ୍ନା ଭୋଟ୍ ଦେଇ ନାହାନ୍ତି, ଯାହା ଦଳର ଭାବମୂର୍ତ୍ତିକୁ କ୍ଷୁର୍ଣ୍ଣ କରିଛି। ଏ ସମ୍ପର୍କରେ ବିଜେପି ତାଙ୍କୁ ନୋଟିସ ଜାରି କରି ଦୁଇ ଦିନ ମଧ୍ୟରେ ଉତ୍ତର ମାଗିଛି।