ପିଓକେକୁ ବଳପୂର୍ବକ ଦଖଲ କରିବାର ଆବଶ୍ୟକତା ନାହିଁ, ଭାରତ ସହ ଏହା ଆପେ ମିଶିଯିବ: ରାଜନାଥ ସିଂଙ୍କ ଉତ୍ତର

ନୂଆଦିଲ୍ଲୀ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି ପାକିସ୍ତାନ ଅଧିକୃତ କଶ୍ମୀର (ପିଓକେ) ଉପରେ ଭାରତ ନିଜର ଦାବିକୁ କେବେ ବି ଛାଡ଼ିବ ନାହିଁ। ଏଥିସହ ସେ ଆହୁରି ମଧ୍ୟ କହିଛନ୍ତି ପୋକ୍କୁ ବଳପୂର୍ବକ ଦଖଲ କରିବାର କୌଣସି ଆବଶ୍ୟକତା ନାହିଁ। କାରଣ କାଶ୍ମୀରରେ ବିକାଶ ଦେଖିବା ପରେ ଏହାର ଲୋକମାନେ ଆପେ ଆପେ ଭାରତରେ ମିଶିବାକୁ ଚାହିଁବେ।ରାଜନାଥ ସିଂ ପିଟିଆଇକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଜମ୍ମୁ କଶ୍ମୀରରେ ସ୍ଥଳ ସ୍ଥିତିରେ ବହୁତ ଉନ୍ନତି ଆସିଛି ଏବଂ ଏମିତି ଏକ ସମୟ ଆସିବ ଯେତେବେଳେ ୟୁନିଅନ ଟେରିଟୋରୀରେ ଏଫଏସପିଏ (ସଶସ୍ତ୍ର ବାହିନୀ ସ୍ୱତନ୍ତ୍ର ଶକ୍ତି ଆଇନ) ଆବଶ୍ୟକ ହେବ ନାହିଁ। ତେବେ ପ୍ରତିରକ୍ଷା ମନ୍ତ୍ରୀ କହିଛନ୍ତି କେନ୍ଦ୍ର ଗୃହ ମନ୍ତ୍ରଣାଳୟ ଅଧୀନରେ ଅଛି ଏବଂ ଏହା ଉପଯୁକ୍ତ ନିଷ୍ପତ୍ତି ନେବ। ଜମ୍ମୁ କଶ୍ମୀରରେ ନିର୍ବାଚନ ନିଶ୍ଚିତ ଭାବେ ଅନୁଷ୍ଠିତ ହେବ ବୋଲି ସେ କହିଛନ୍ତି କିନ୍ତୁ ଏଥିପାଇଁ ସେ କୌଣସି ସମୟ ସୀମା ଦେଇ ନାହାନ୍ତି।

ସେ କହିଛନ୍ତି, ‘ମୁଁ ଭାବୁଛି ଭାରତକୁ କିଛି କରିବାକୁ ପଡ଼ିବ ନାହିଁ। ଜମ୍ମୁ-କଶ୍ମୀରରେ ପରିସ୍ଥିତି ବଦଳିଛି, ସେହି ଅଞ୍ଚଳରେ ଅର୍ଥନୈତିକ ପ୍ରଗତି ଏବଂ ଶାନ୍ତି ଫେରିଛି। ମୁଁ ଭାବୁଛି ଭାରତ ସହିତ ମିଶ୍ରଣ ପାଇଁ ପିଓକେର ଲୋକମାନଙ୍କଠାରୁ ଏକ ଦାବି ହେବ ।ପିଓକେକୁ ଦଖଲ କରିବା ପାଇଁ ଆମକୁ ବଳ ପ୍ରୟୋଗ କରିବାକୁ ପଡ଼ିବ ନାହିଁ। କାରଣ ସେଠାକାର ଲୋକମାନେ କହିବେ ଆମେ ଭାରତ ସହିତ ମିଶ୍ରଣ କରିବା ଆବଶ୍ୟକ। ପ୍ରତିରକ୍ଷା ମନ୍ତ୍ରୀ ଜୋର ଦେଇଛନ୍ତି, ପିଓକେ ଆମର ଥିଲା, ଆମର ଅଛି ଏବଂ ଆମର ରହିବ।’

ଜମ୍ମୁ କଶ୍ମୀରରେ ପାକିସ୍ତାନର ଛାୟାଯୁଦ୍ଧ ସମ୍ପର୍କରେ ପ୍ରତିରକ୍ଷା ମନ୍ତ୍ରୀ କହିଛନ୍ତି ଇସଲାମାବାଦକୁ ସୀମାପାର୍ ଆତଙ୍କବାଦ ବନ୍ଦ କରିବାକୁ ପଡ଼ିବ। ପାକିସ୍ତାନ ଭାରତକୁ ଅସ୍ଥିର କରିବାକୁ ଚେଷ୍ଟା କରୁଛି ଏବଂ ଆମେ ଏହା ହେବାକୁ ଦେବୁ ନାହିଁ।’