ରାଏବରେଲି ଲୋକସଭା ଆସନରେ ରାହୁଲ ପ୍ରତିଦ୍ୱନ୍ଦ୍ୱିତା କରିବା ନିଷ୍ପତ୍ତିକୁ ନେଇ ଏପରି କହୁଛନ୍ତି ୱାୟାନାଡ଼ର ଜନତା
ଥିରୁଅନନ୍ତପୁରମ୍: ରାହୁଲ ଗାନ୍ଧୀ ଉତ୍ତରପ୍ରଦେଶର ରାଏବରେଲି ଲୋକସଭା ଆସନରେ ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇଥିବା ବେଳେ କେରଳର ୱାୟାନାଡ଼ରେ ଲୋକଙ୍କ ପ୍ରତିକ୍ରିୟା ପ୍ରକାଶ ପାଇଛି।
ଏପ୍ରିଲ୍ ୨୬ ରେ ୱାୟାନାଡ଼ ଲୋକସଭା ଆସନରେ ନିର୍ବାଚନ ଅନୁଷ୍ଠିତ ହୋଇଥିଲା। କିଛି ଲୋକ କହିଥିଲେ ଯେ ରାଏବରେଲିରୁ ମଧ୍ୟ ପ୍ରତିଦ୍ୱନ୍ଦ୍ୱିତା କରିବା ତାଙ୍କ ପାଇଁ ଭୁଲ୍ ନୁହେଁ, କିଛି ଲୋକ କହିଛନ୍ତି ଯେ ଏହା ତାଙ୍କ ପକ୍ଷରେ ଭୁଲ୍ ନିଷ୍ପତ୍ତି ଅଟେ।
ୱାୟାନାଡ଼ର ଏକ ରାସ୍ତାରେ ଥିବା ଦୋକାନରେ ଜଣେ ବ୍ୟକ୍ତି କହିଛନ୍ତି ଯେ ଗାନ୍ଧୀଙ୍କ ଦୁଇଟି ଆସନରୁ ପ୍ରତିଦ୍ୱନ୍ଦ୍ୱିତା କରିବାର ନିଷ୍ପତ୍ତିରେ କିଛି ଭୁଲ୍ ନୁହେଁ। ସେ ଇଣ୍ଡିଆ ବ୍ଲକର ନେତୃତ୍ୱ ନେଉଛନ୍ତି ଏବଂ ସେଥିପାଇଁ ଏଥିରେ କିଛି ଭୁଲ ନାହିଁ ବୋଲି ଅନ୍ୟ ଜଣେ କହିଛନ୍ତି। ଯଦି ସେ ଉଭୟ ଆସନରୁ ଜିତନ୍ତି, ତେବେ ସେ ୱାୟାନାଡ ଆସନ ଖାଲି କରିବେ।
ଅନ୍ୟ ଜଣେ କହିଛନ୍ତି, “ଯଦି ସେ ତାହା କରନ୍ତି, ତେବେ ଏହା ଆମ ପାଇଁ ଭଲ ହୋଇନପାରେ। ଯାହା ହେଉନା କାହିଁକି ଅପେକ୍ଷା କରିବା।” ରାଏବରେଲିରୁ ରାହୁଲ ଗାନ୍ଧୀ ପ୍ରାର୍ଥୀ ପତ୍ର ଦାଖଲ କରିବା ପରେ ବିଭିନ୍ନ ଲୋକ ବିଭିନ୍ନ ପ୍ରକାରର ମତ ରଖୁଛନ୍ତି।
କଂଗ୍ରେସ ଦଳ ଶୁକ୍ରବାର ଦିନ ପ୍ରାର୍ଥୀ ତାଲିକା ପ୍ରକାଶ କରିଛି। କଂଗ୍ରେସ ରାଏବେରେଲିରୁ ରାହୁଲ ଗାନ୍ଧୀଙ୍କ ନାମ ଘୋଷଣା କରିଥିବା ବେଳେ ଆମେଥିରୁ କିଶୋରୀ ଲାଲ ଶର୍ମାଙ୍କ ନାମ ଘୋଷଣା କରିଛି। ରାଏବରେଲୁରୁ ରାହୁଲଙ୍କ ନାମ ଘୋଷଣା ହେବା ପରେ ଦଳ କହିଛି ଯେ ଏହି ନିଷ୍ପତ୍ତି ଖୁବ୍ ହୁସିଆର୍ ଭାବେ ନିଆଯାଇଛି। ଦଳର ଏହି ନିଷ୍ପତ୍ତି ବିଜେପି ଓ ତା’ର ସକର୍ଥକଙ୍କୁ ଦୋହଲାଇ ଦେଇଛି।