‘ଓୟୋ’ ହୋଟେଲ୍ରେ ମହିଳା ଇଞ୍ଜିନିୟର୍ଙ୍କୁ ଗୁଳି ମାରି ହତ୍ୟା ମାମଲା: ଅଭିଯୁକ୍ତ ପ୍ରେମିକ ଗିରଫ
ପୁଣେ: ପୁଣେର ଏକ ହୋଟେଲରେ ରବିବାର ଦିନ ଜଣେ ଆଇଟି ବ୍ୟକ୍ତିତ୍ବଙ୍କୁ ତାଙ୍କ ପ୍ରେମିକ ହତ୍ୟା କରିଥିବା ଅଭିଯୋଗ ହୋଇଛି। ଶନିବାର ପିମ୍ପ୍ରି ଚିଞ୍ଚୱାଡର ହିଞ୍ଜାୱାଡି ଅଞ୍ଚଳର ଓୟୋ ଟାଉନ୍ ହାଉସ୍ ହୋଟେଲରେ ଏହି ଘଟଣା ଘଟିଥିବା ସୂଚନା ରହିଛି। ଏହି ମାମଲାରେ ଅଭିଯୁକ୍ତ ଋଷଭ ନିଗମ ମୁମ୍ବାଇରେ ଗିରଫ ହୋଇଥିବା ପୁଲିସ୍ ସୂଚନା ଦେଇଛି। ଜାଣିବାକୁ ମିଳିଛି ଯେ ଅଭିଯୁକ୍ତ ପ୍ରେମିକକୁ ପୁଲିସ୍ ସିସିଟିଭି ଭୁଟେଜ୍ ସାହାଯ୍ୟରେ ଗିରଫ କରିବାରେ ସଫଳ ହୋଇଛି।ସିସିଟିଭି ଫୁଟେଜ୍ରେ ଦେଖିବାକୁ ମିଳିଥିଲା ଯେ ଶନିବାର ରାତି ପ୍ରାୟ ୧୦ଟା ବେଳେ ଋଷଭ ହୋଟେଲ୍ ରୁମ୍ ଛାଡୁଛନ୍ତି। ସମ୍ଭବତଃ ସେତେବେଳକୁ ସେ ପ୍ରେମିକା ବନ୍ଦନାଙ୍କୁ ଗୁଳି ମାରି ହତ୍ୟା କରିସାରିଥିଲେ। ଏହା ପରେ ଋଷଭ ମୁମ୍ବାଇ ଚାଲି ଆସିଥିଲେ।
ପୁଲିସ୍ ସୂତ୍ରରୁ ଜାଣିବାକୁ ମିଳିଛି ଯେ ମହିଳା ବନ୍ଦନା ଦିୱେଦୀ ଏକ ପ୍ରତିଷ୍ଠିତ ଆଇଟି ଫାର୍ମରେ କାମ କରୁଥିଲେ। ତାଙ୍କ ପ୍ରେମିକ ଋଷଭ ନିଗମ ହେଉଛନ୍ତି ଉତ୍ତରପ୍ରଦେଶର ଲକ୍ଷ୍ନୌର ବସିନ୍ଦା। ସେମାନେ ଗତ ଦଶ ବର୍ଷ ଧରି ପରସ୍ପରକୁ ଜାଣିଥିଲେ ଏବଂ ପ୍ରେମ ସଂପର୍କରେ ଥିଲେ।
ଋଷଭ, ବନ୍ଦନାଙ୍କୁ ଭେଟିବାକୁ ପୁଣେ ଆସିଥିଲେ ଏବଂ ଦୁହେଁ ଜାନୁଆରି ୨୫ରୁ ସେମାନେ ରହୁଥିବା ହିଞ୍ଜାୱାଡିରେ ଏକ ହୋଟେଲ ବୁକ୍ କରିଥିଲେ। ଋଷଭ ତାଙ୍କ ପ୍ରେମିକାଙ୍କ ଚରିତ୍ରକୁ ସନ୍ଦେହ କରୁଥିବାରୁ ସେ ପୁଣେରୁ ବନ୍ଦନାକୁ ହତ୍ୟା କରିବାର ଷଡ଼ଯନ୍ତ୍ର କରି ଆସିଥିଲେ ବୋଲି ପୁଲିସ୍ କହିିଛି।
ସିସିଟିଭି ଫୁଟେଜରେ ଦର୍ଶାଯାଇଛି ଯେ ଋଷଭ ଶନିବାର ରାତି ପ୍ରାୟ ୧୦ଟା ସମୟରେ ହୋଟେଲ ରୁମରୁ ବାହାରିଥିଲେ। ଏହି ହତ୍ୟାକାଣ୍ଡ ପରେ ଋଷଭ ମୁମ୍ବାଇକୁ ପଳାଇ ଯାଇଥିଲେ ଏବଂ ସେଠାରେ ତାଙ୍କୁ ଗିରଫ କରାଯାଇଥିଲା। ବନ୍ଦନାଙ୍କ ମୃତଦେହ ମିଳିଥିବା ହୋଟେଲ୍ ରୁମ୍କୁ ଏବେ ପୁଲିସ୍ ସିଲ୍ କରିଛି।