ପାକିସ୍ତାନୀ ପ୍ରେମିକ ନସରୁଲ୍ଲାଙ୍କୁ ଭାରତ ଡାକିଆଣିବେ ଅଞ୍ଜୁ

ନୂଆଦିଲ୍ଲୀ: ପାକିସ୍ତାନରୁ ନିଜ ଦେଶ ଭାରତକୁ ଫେରିଥିବା ଅଞ୍ଜୁ ଗତକିଛି ଦିନ ହେବ ବେଶ୍ ଚର୍ଚ୍ଚାରେ ଅଛନ୍ତି। ସେ ନିଜ ପ୍ରେମୀଙ୍କ ପାଇଁ ପାକିସ୍ତାନ ଯାଇଥିବା ବେଳେ ପୁଣି ଥରେ ତାଙ୍କ ପିଲାମାନଙ୍କ ପାଇଁ ଭାରତ ଫେରି ଆସିଛନ୍ତି। ଭାରତ ଫେରିବା ପରେ ସେ ପ୍ରଥମେ ପିଲାମାନଙ୍କର ଭବିଷ୍ୟତ ବିଷୟରେ ଚିନ୍ତା କରୁଥିବା କଥା ଗଣମାଧ୍ୟମରେ କହିଛନ୍ତି। ଏହାପରେ ସେ ପାକିସ୍ତାନରେ ରହୁଥିବା ପ୍ରେମିକକୁ ଭାରତକୁ ଆଣିବେ ବୋଲି ବୟାନ ଦେଇଛନ୍ତି।ରାଜସ୍ଥାନର ଅଞ୍ଜୁଙ୍କ ସଂପର୍କରେ ତାଙ୍କ ଓକିଲ କହିଛନ୍ତି ଯେ ଅଞ୍ଜୁ ତାଙ୍କ ସ୍ୱାମୀଙ୍କ ବ୍ୟତୀତ ଦୁଇ ପିଲାଙ୍କ ସହ ଦିଲ୍ଲୀରେ ରହୁଛନ୍ତି। ପାକିସ୍ତାନରେ ନିଜ ପ୍ରେମିକଙ୍କୁ ଭେଟିବା ପରେ ନିଜ ଦେଶକୁ ଫେରିଥିବା ରାଜସ୍ଥାନର ଅଞ୍ଜୁ କହିଛନ୍ତି ଯେ ସର୍ବପ୍ରଥମେ ସେ ନିଜ ପିଲାମାନଙ୍କର ଭବିଷ୍ୟତ ବିଷୟରେ ଚିନ୍ତା କରିବେ।

ଏହା ପରେ ମୁଁ ପାକିସ୍ତାନରେ ରହୁଥିବା ମୋ ପ୍ରେମିକକୁ ଭାରତ ଆଣିବାକୁ ଚିନ୍ତା କରିବି ବୋଲି ଅଞ୍ଜୁ କହିଛନ୍ତି। ରାଜସ୍ଥାନର ବାସିନ୍ଦା ଅଞ୍ଜୁ ତାଙ୍କ ପ୍ରେମିକଙ୍କୁ ଭେଟିବା ପାଇଁ ପାକିସ୍ତାନରେ ପହଞ୍ଚିଥିଲେ। ପ୍ରଥମେ କୁହାଯାଇଥିଲା ଯେ ଅଞ୍ଜୁ ବେଆଇନ ଭାବେ ପାକିସ୍ତାନ ଯାଇଛନ୍ତି, କିନ୍ତୁ ପରେ ପାକିସ୍ତାନୀ ଗଣମାଧ୍ୟମ ନିଶ୍ଚିତ କରିଥିଲା ଯେ ଅଞ୍ଜୁ ଟୁରିଷ୍ଟ ଭିସା ନେଇ ପାକିସ୍ତାନରେ ପହଞ୍ଚିଛନ୍ତି।

ଅଞ୍ଜୁ ଚାରି ମାସରୁ ଅଧିକ ସମୟ ପାକିସ୍ତାନରେ ରହିଥିଲେ। ସୋସିଆଲ ମିଡିଆରେ ଅଞ୍ଜୁ ନାସରୁଲ୍ଲାଙ୍କ ସହ ପରିଚିତ ହୋଇଥିଲେ। ତା’ପରେ ସେମାନେ ପ୍ରେମରେ ପଡ଼ିଗଲେ। ତାଙ୍କୁ ଭେଟିବା ପାଇଁ ଅଞ୍ଜୁ ପାକିସ୍ତାନରେ ପହଞ୍ଚିଥିଲେ।